ગોલ્ફ મેદાનમાં નાના પ્લેનનું ક્રેશ લેન્ડિંગ, સિડની માં મોટી દુર્ઘટના ટળી

ગોલ્ફ મેદાનમાં નાના પ્લેનનું ક્રેશ લેન્ડિંગ, સિડની માં મોટી દુર્ઘટના ટળી

Sydney Golf Club : ઓસ્ટ્રેલિયાના સિડની માં રવિવારે બપોરે એક વિમાન ક્રેશ થયું હતું . એક નાનું સિંગલ એન્જિનવાળું વિમાન અકસ્માતગ્રસ્ત થયું હતું, જેમાં બે લોકો સવાર હોવાનું જાણવા મળી રહ્યું છે. ચમત્કારિક રીતે અકસ્માતની ઘટનામાં બંને બચી ગયા છે. આ ઘટના રવિવારે (સ્થાનિક સમય મુજબ બપોરે 2 વાગ્યે) બની હોવાનું સુત્રો જણાવી રહ્યા છે.

બંને લોકો સુરક્ષિત હોવાનો દાવો

સુત્રોએ જણાવ્યું કે, એક ટ્રેનર અને એક વિદ્યાર્થી પાઇલટ વિમાનમાં હતા. આ દરમિયાન વિમાન અચાનક ગોલ્ફ કોર્સ પર ક્રેશ થઈ ગયું હતું. ત્યાં હાજર લોકોએ તેનો વીડિયો બનાવ્યો હતો, જે હવે વાયરલ થઈ રહ્યો છે. વીડિયોમાં જોઈ શકાય છે કે, વિમાન ગોલ્ફ કોર્સ તરફ આવ્યું અને અચાનક જમીન પર અથડાયું હતું. ટક્કર પછી થોડા સમય માટે, તે જમીન પર ઢસડાઇને થોડું દૂર ગયું હતું અને બાદમાં પછી અટકી ગયું હતું.

બંને લોકો સુરક્ષિત હોવાનો દાવો

આ અકસ્માતની ઘટનામાં વિમાનને નુકસાન થયું હોવાનું જાણવા મળી રહ્યું છે, પરંતુ ચમત્કારિક રીતે આ ઘટનામાં કોઈ જાનહાની થઇ નથી. વિમાનમાં સવાર બંને લોકો સુરક્ષિત હોવાનો દાવો કરવામાં આવ્યો છે. ક્રેશ લેન્ડિંગ પછી વિમાનમાં આગ પણ લાગી ન્હતી, જેના કારણે મોટી ઘટના બનતી અટકી ગઇ હતી. એવું કહેવામાં આવી રહ્યું છે કે, ઉડાન દરમિયાન ટેકનિકલ ખામીને કારણે વિમાનનું ઇમરજન્સી ક્રેશ લેન્ડિંગ કરવામાં આવ્યું હતું.

હાલ ઘટનાની તપાસ ચાલી રહી છે

ઘટના પછી તરત જ રાહત-બચાવ ટીમને તેની જાણ કરવામાં આવી હતી. વિમાનમાં સવાર બંને મુસાફરો 50 વર્ષની ઉંમરના હતા અને તેમને સામાન્ય ઈજાઓ પહોંચી હતી. તેમને હોસ્પિટલ લઈ જવામાં આવતા, પહેલા ઘટનાસ્થળે જ સારવાર આપવામાં આવી હતી. હાલ ઘટનાની તપાસ ચાલી રહી છે.

બચાવ કામગીરી શરૂ કરવામાં આવી

વિમાન દુર્ઘટના પછી, ત્યાં હાજર લોકો બચાવ માટે દોડી આવ્યા હતા અને ઘાયલોને બહાર કાઢ્યા હતા. સાથે જ અધિકારીઓને આ અંગે જાણ કરવામાં આવી હતી અને ત્યારબાદ બચાવ કામગીરી શરૂ કરવામાં આવી હતી. હવે FAA ની તપાસ ટીમ વિમાનના કાટમાળનું નિરીક્ષણ કરશે, અને જાણશે કે, શું આ અકસ્માત એન્જિન ફેલ થવાને કારણે થયો છે કે અન્ય કારણોસર?